Жұмыс берушілер үшін зейнетақы жарнасын енгізу бір жылға шегерілді
Заң жобасы 2024 жылғы 1 қаңтардан бастап іске асырылады.
фото: ашық дереккөз
Ашық НҚА порталында жұмыс берушілерден БЖЗҚ-ға міндетті зейнетақы жарналарын аудару туралы Үкімет қаулысына түзетулер жобасы жарияланды.
Түзетулерге сәйкес, заң жобасы 2024 жылдың 1 қаңтарынан бастап күшіне енеді. Ал бұрынғы қаулыда 2023 жылдың 1 қаңтарынан бастап міндетті төлемді енгізу ұсынылған.
Осылайша, жоба кезең-кезеңімен 1,5%-дан басталып, 2028 жылға қарай 5%-ға дейін өседі. Бұл жұмыс берушілерге қаржылық жүктемені болдырмау үшін жасалды, – делінген жобада.
