Астанада қар күреуге мыңға жуық техника мен 2 мыңнан аса жұмысшы жұмылдырылды
Бір түнде арнайы полигондарға шамамен 3,5 мың текше метр қар шығарылған
Фото: gov.kz
Астана қаласының коммуналдық қызметтері тәулік бойы күшейтілген режимде жұмыс істеп жатыр. Бұл туралы қала әкімдігінің баспасөз қызметі хабарлады.
Ведомство өкілдерінің мәліметінше, 13 қарашадан 14-іне қараған түні елордадан арнайы полигондарға шамамен 3,5 мың текше метр қар шығарылған. Бұл 276 рейсті құрады.
Жалпы, жарты ай ішінде барлығы 2 815 ауыр жүк көлігі қала көшелерінен арнайы полигондарға 36 мың текше метрден аса қар шығарған.
Бүгін елорданы қар мен мұздан тазартуға 2 300 жол жұмысшысы және 1 мыңға жуық арнайы техника шығып отыр.
