Ақтөбеде заңгер де алаяққа алданып қалды
Юрист 1 млн теңгеден аса ақшасынан айырылды
фото: ашық дереккөз
Ақтөбеде қазан айының соңында Темір ауданындағы мекемелердің бірінің заңгері өзін тұтынушылардың құқықтарын қорғау ұйымының қызметкері ретінде таныстырған белгісіз адамға алданып қалды.
Ол заңгерге қоңырау соғып, оның атына 1 млн теңгеден астам несие рәсімдеп жатқанын, шоттарды қорғау үшін қауіпсіз шотқа ақша аудару керектігін айтқан. Заңгер қоңырау шалушының айтқанын істеп, 1 млн теңгеден астам ақшасынан айырылған.
Қазір осы оқиғаға байланысты күдікті адам іздестіріліп жатыр.
