Биыл 21 қыркүйектен бері ЖСН алуға шетелдіктерден 200 мың өтінім түсті. Бұл туралы Цифрлық даму, инновациялар және аэроғарыш өнеркәсібі вице-министрі Әсет Тұрысов айтты.

«Биыл 21 қыркүйектен бері (ЖСН алуға – автор) шамамен 200 мың өтінім түсті. Бұл – барлық шетелдіктен түскен өтініш. Алайда мен ЖСН-нің қанша адамға берілгені туралы сұраққа жауап бере алмаймын. Мұнда бизнес жүргізгісі келетін немесе жұмысқа орналасқысы келетін кез-келген шетелдік азамат банк шотын ашады. Ол ЖСН алуға міндетті», - деді Әсет Тұрысов Мәжіліс кулуарында.

Қазақстанда шетелдіктерге ЖСН мынадай жағдайларда қажет:

• банкте шот ашу қажет болса;
• шетел азаматы Қазақстанда орналасқан көздерден табыс алатын болса;
• салық салынатын мүлікті сатып алу кезінде, мысалы, автокөлік;
• Қазақстан резиденті - заңды тұлғаның басшысы немесе резидент емес - заңды тұлға филиалының басшысы болып тағайындалған кезде.

Шетел азаматтарына ЖСН алу үшін Қазақстанда болу міндетті емес. Оны сенімхат бойынша істеуге болады.