Қытай коммунистік партиясының XX съезінде бір оқыс оқиға болды. Съезд бітуге жақын қалғанда компартияның бас хатшысы Си Цзиньпинмен бірге қатар отырған елдің бұрынғы бас хатшысы Ху Цзиньтао жиналыс залынан шығарылып жіберілді.

Бұл туралы dw.com («Неміс толқыны») хабарлады.

Съездің қорытындысы бойынша елдегі бүкіл мемлекеттік билік бір адамның қолына, яғни Си Цзиньпинге берілетін болды. Ал елдің бұрынғы басшысы Ху Цзиньтао керісінше, билік бір адамның емес, коммунистік партияның орталық комитеті саяси бюросына мүше адамдардың қолында болу керек деген болатын.

Съезде оның бұл ойы іске аспай қалды. Онда коммунистік партияның орталық комитетінің жаңа құрамы сайланып, саяси бюроның тұрақты комитетіне жаңа мүшелер бекітілді. Бұл қызметке Қытайдың мемлекеттік комитетінің төрағасы Ли Кэцян мен тұрақты комитеттің тағы төрт мүшесі қайта сайланбай қалды. Сонымен бірге жиында Си Цзиньпинді Қытай коммунистік партиясының бас хатшысы етіп үшінші мерзімге сайлау туралы ұсыныс түсті. Съезде ол үшінші рет бес жылға елдің төрағасы болып сайланды. Бұған дейін елдің бұрынғы басшылары бес жылдан екі рет төраға болып сайланған еді. Бір атап айтатын нәрсе, 2012 жылы Си Цзиньпинді Қытайдың төрағасы қызметіне жиналыс залынан шығарылып жіберілген Ху Цзиньтао әкелген болатын.