Әуезов аудандық полиция басқармасы жанындағы полиция бөлімінің мәліметінше, жетінші баласына жүкті әйел күйеуіне мылтық, тапанша, патрондар әрі басқа да оқ-дәрілерді ұрлауға жәрдемдескен.

Үйдің ішін тінту кезінде тәркіленгендердің арасында тоғыз сайга стволы, екі мылтық, винтовка, тапанша, патрондар, резеңке дубинка, ағаш биталар, сапер күрегі мен радиостанциялар болды. 25 жастағы Т. есімді жігіт ұрланған қару-жарақ салынған бумаларды жеке үйінің алдындағы аумаққа көмген. Сондай-ақ күдіктінің мінген көлігі де анықталды. Бұл кезде оның қасында әйелі болған. Ол күйеуінің ойланбай жасаған әрекетін, қылмыс жасауын тоқтатудың орнына ұрланған заттар салынған жәшіктерді көлікке тиеуге белсене көмектескен, – деді Алматы қалалық полиция департаменті басшысының орынбасары Берік Әбілбеков.

Заттай айғақтар тәркіленді. Аталған дерек қылмыстық кодекстің 291-бабы 3-бөлігімен (қаруды, оқ-дәрілердi, жарылғыш заттар және жарылыс құрылғыларын жымқыру не қорқытып алу) квалификацияланған. Әйелдің әрекетіне құқықтық баға беріледі.