Атырауда көпірден секірмек болған қыз құтқарылды
Оқиға түнде болған
![](https://halyq-uni.kz/cache/imagine/1200/uploads/news/2022/02/21/62135adeadfb2461279762.jpg)
Атыраулық полицейлер түнде көпірден секірмек болған қызды құтқарды.
21 ақпан күні сағат 03:08 шамасында Жедел басқару орталығының қызметкерлері Атырау мөлтек ауданындағы көпір үстінде белігісіз әйелдің секіргелі тұрғанын байқаған.
Жедел басқару орталығының кезекші инспекторы мән-жайды бейнекамера арқылы анықтап, радиоқабылдағышпен жақын маңдағы қызметкерлерге бағыттама берген. Оқиға орнына жеткен тәртіп сақшылары көпірден секірмек болған 23 жастағы қызды құтқарды, – дейді полиция.
«Барлығы жақсы аяқталғанына қуандым. Хабарламаны естігенде көпірге үлгеруді ғана ойладық. Азаматша көпір үстінде тұр екен. Тек шапшаңдық қажет екенін түсіндім», – деді полиция қызметкері Ерболат Мағзомов.