Бас прокуратура мен Ішкі істер министрлігінің қызметкерлері 1989 жылы туған Қазақстан азаматшасын Бахрейн Корольдігінен экстрадициялады.

Ол Бахрейнде жыныстық қанау мақсатында Қазақстанның кәмелетке толмаған азаматшасын сатты деген күдікке ілінді, – дейді Бас прокуратура.

Қылмыс жасағаннан кейін күдікті қылмыстық қудалау органдарынан жасырынып, оған халықаралық іздеу жарияланған болатын.

«Қазір күдікті Нұр-Сұлтан қаласының тергеу изоляторына қамалды», – дейді ведомство.

Бұған дейін аталған қылмысқа қатысы бар бірқатар адам ұзақ мерзімге бас бостандығынан айырылған еді.