Жыл соңына дейін елімізге тағы төрт әуе көлігі келеді
Биыл «SCAT» әуекомпаниясы бес «Боинг-737» ұшағын сатып алды. Олар 189 орынға арналған. Жыл соңына дейін тағы осындай төрт ұшақ сатып алынады.
Бұл туралы Индустрия және инфрақұрылымдық даму министрлігі хабарлады.
Компания тамыз айында төрт «Боинг-737» ұшағын сатып алған болатын. Жыл соңына дейін отандық әуекомпаниялар сегіз үшақпен парктерін толықтырады. Қазір «SCAT» әуекомпаниясында 31 ұшақ бар. Оның ішінде24 «Боинг» жолаушыларға қызмет етіп келеді.