Алаяқ ақшаны өзіне жұмсап жіберген
Шымкент тұрғыны танысын қажылыққа апарамын деп 700 мың теңгеге алдап кеткен.
Еңбекші ауданы Полиция басқармасына 102 арнасы арқылы жергілікті тұрғын арызданған. Оның айтуынша, танысы қажылық сапарға алып барамын деп сендірген. Алайда бұл қызметіне сыйақы ретінде 700 мың теңге сұрап, есепшотына аудартып алған. Арада уақыт өте әлгі танысы телефон қоңырауларына жауап бермеген, ақшасын қайтармаған, – дейді полиция.
Аталған жайт қылмыстық кодекстің 190-бабымен (алаяқтық) тіркеліп, жедел-іздестіру шаралары жүргізілген. Нәтижесінде, 26 жастағы жергілікті тұрғын қала аумағында ұсталып, тиісті басқармаға жеткізілді. Тергеу жұмыстары барысында анықталғандай, ұсталған азамат арызданушыдан алған қаражатты өзінің бас пайдасы үшін жаратып жіберген. Қазір оған қатысты сотқа дейінгі тергеу амалдары жалғасуда. Сондай-ақ оның осыған ұқсас басқа да қылмыстарға қатысының бар-жоғы анықталып жатыр.